Irving Penn

Олон олон Монгол залуус маань гэрэл зураг сонирхож түүнд дурлаж янз бүрийн зураг авч буй энэ үед тэдэнд хэрэг болох болов уу гэсэн үүднээс өөрт буй ном материалыг ашиглан гэрэл зургын ертөнцөд өөрийн ул мөрөө үлдээсэн алдарт гэрэл зурагчдын амьдрал хийгээд тэдний уран бүтээлээс толилуулж байхыг зорилоо.(гэрэл зургуудыг тухайн уран бүтээлчийн номноос эх болгон авч буй учраас аль болох томхон файлууд байрлуулахыг хүсэж байгаа. Тухайн зураг дээр double click хийснээр зураг тодрох болно)..


Зүсэм бялууны гэрэл зургыг авах нь хүртэл урлаг юм гэж тунхаглан гэрэл зурагтай амьдралынхаа 60 жилийг хуваалцсан ,Popular photography сэтгүүлээс олон улсын хүрээнд явуулсан санал асуулгаар дэлхийн шилдэг 10 гэрэл зурагчнаар шалгарч гэрэл зургын ертөнцөд өөрийн өвөрмөц арга барилаараа танигдсан түүний гэрэл зургууд өнөөдөр олон олон орны музеид урлагын өв болон үлдсэнээс гадна тухайн цаг үеийнхээ маш чухал баримт болсон нь дамжиггүй. Ингээд та бүхэнд гэрэл зургын ертөнцийн томоохон төлөөлөгчдийн нэг Ирвин Пэнний уран бүтээлээс толилуулъя!
Тэрээр 1917 оны 6-р сарын 17-нд АНУ-ын Нью Жерси мужын Плайнфиелд хэмээх жижигхэн хотод төржээ. Алексеи Бродовичийн удирдлага дор University of the Arts буюу тухайн үеийн Philadelphia Museum School of Industrial Art сургуулийг 1938 онд дүүргэснээр тэрээр гэрэл зургын ертөнцөд хөл тавьсан байна.
Түүний хамгийн эхний хэвлэгдсэн зураг нь 1944 онд Vogue сэтгүүлд хэвлэгдэж байлаа. харин 1946 онд Vogue сэтгүүлийн зөвлөх Alexander Liberman түүнийг тухайн үеийн урлаг соёлын алдартнуудын зургийг цуврал хэлбэрээр авахыг зөвлөснөөр түүний ажлууд бусдад танигдаж эхэлжээ. Тухайн үеийн хамгийн алдартай сэтгүүлийн зурагчид бүгд маш гоёмсог орчин бүрдүүлж зураг авахыг хүсч байсан бол Ирвин эсрэгээр нь маш энгийн орчинд тухайн хүнийхээ зан байдал, дотоод сэтгэлийг гаргахаар оролдон тиймдээ ч студио-гоо маш энгийн байлгаж саарал өнгийн хивсэнцэрээр бүрсэн ширээ сандлуудыг ашиглан авах эсвэл тайз засдаг хоёр хавтан ашиглан маш давчуу өнцөг үүсгэн түүндээ зураг авхуулж буй хүнээ зогсоон тэдний ямар араншин гаргах нь түүнд маш сонин байдаг байж.

Pablo Picasso

Marcel Duchamp , New York 1948

Jean Cocteau, Paris 1948

Edmund Wilson , NY 1947

Ballet Society, New York 1948

Ballet Theatre Group, New York , 1947

Mark Chagall, NY 1947

John Marin , NY 1947

Woody Allen as Chaplin , NY 1972

1948 онд Vogue сэтгүүлийн захиалгаар Европт ажиллах болсноор түүний зургууд өөрчлөгдөж эхэлжээ. Түүний хэлснээр “The light from nearest window” буюу байгалийн гэрлийг дотор зураг авахдаа ч ашиглаж эхэлсэн байна.

1950-аад оны дундуур тэрээр хүмүүсийн нүүрний төрх байдлыг харуулахыг ихээр зорьж бүтэн бие (full- length) хөрөг зураг авах байдлаа маш бага хэрэглэн аль болох ойроос нүүрнийх нь хувиралыг харуулахыг зорихдоо ороолт, малгай гэх мэт зүйлээр зургынхаа хүрээг хийж ажилласан нь маш амжилттай болж байлаа. Үүний нэг тод жишээ бол 1957 онд авсан Pablo Picasso-гын хөрөг юм.

Frederick Kiesler and Willem de Kooning, New york 1960

1969-1972 оны хооронд Африкийн орнуудаар ажиллан тэдний ёс заншил болон өвөрмөц дүр төрхийг харуулсан гайхамшигтай зургуудаа авчээ..

Tambul Warrior , New Guinea 1970

Man with Pink face , 1970

Five Okapa Warriors, 1970

Seated Warrior- Sitting girl, Cameroon 1969

Two Guedras, Morocco, 1971

Тэрээр Европт ажиллах хугацаандаа модел Lisa Fonssagrives-ийн гайхамшигтай зургыг авснаас гадна түүнтэй дотно танилцан гэр бүл болохоо ч мартаагүй. кк

Women with Roses , LisaFonssagrives Penn 1950

Европт ажиллах хугаваандаа төрөл бүрийн мэргэжлийн хүмүүсийн портрайт авсан нь маш сонирхолтой ажил болсон байдаг. Хог түүгчээс авхуулаад цагдаа , цонх цэвэрлэгч гээд л ..... ....

Rag and Bone man , Londond 1950

Cartier Messeneger , NY 1951

Charbonnier , Paris 1950

Sculptor's model , Paris 1950

Marchand de Concombres, Paris 1950

Тэрээр зөвхөн алдартнууд дээдсийн зураг авдаг байгаагүй бөгөөд тухайн үеийн Америкийн энгийн иргэд болон хар тамхичид, хард рокеруудын зургыг ч маш сонирхон авч байжээ.

1967 онд Сан Франциско хотын ойролцоо Хиппи-с буюу бөөнөөрөө амьдрам хар тамхи хэрэглэн групп секс хийгчид гарч ирсэн тухай уншсан даруй тэдний дотоод ертөнцийг судлан зураг авхаар гарч байжээ..

Poor Lovers , NY 1979

Тэрээр зөвхөн хүмүүсийн портрайт аваад зогсохгүй маш чадварлаг амьгүй зүйлсийн зураг авдаг байсан нь түүний 1979-1980 онуудын хооронд авсан Poor Lovers болон Composition with skull and Pear зургуудаас нь тодхон харагддаг билээ.

Ирвин 1960 оноос эхлэн Vogue сэтгүүлээс гадна Show and Look болон Vanity Fair сэтгүүлүүдэд ажиллаж эхэлжээ. Түүнээс гадна тэрээр Long Island-ын далайн эрэг дэх гэрийнхээ зураг боловсруулах өрөөнд (darkroom) хэдэн мянган цагаар маш чанартай зураг хэрхэн хэвлэх талаар туршилтуудаа хийж байсан бөгөөд үүнийхээ үр дүнд өөрийн гэсэн хэвлэх тусгай жорыг олж амжсан билээ.
Тэрээр амьдралынхаа сүүлийн мөчүүдэд хүртэл гэрэл зургаас холдоогүй бөгөөд 2007 онд таалал төгссөн юм. Түүний тухай илүү ихийг мэдэж, зураг бүтээлүүдтэй нь танилцахыг хүсвэл дараахи номуудыг үзээрэй.

Гэрэл зургуудыг түүний Irving Penn: Platinum Prints(2005) номоос нь авч ашиглав.

Түүний хэвлэгдсэн номнууд:
(2004) A notebook at Random (ISBN 0-8212-6192-4)
(2004) Photographs of Dahomey (ISBN 3-7757-1449-9)
(2001) Still Life (ISBN 0-8212-2702-5)
(1999) Drawings (ISBN 0-9665480-0-0)
(1999) The Astronomers Plan a Voyage to Earth (ISBN 0-9665480-1-9)
(1999) Irving Penn Regards The Work of Issey Miyake (ISBN 0-224-05966-1)
Түүний тухай бичигдсэн ном зохиолууд:
(2009) Irving Penn: Small Trades (ISBN 978-0-89236-996-6)
(2005) Irving Penn: Platinum Prints. Sarah Greenough, David Summers (ISBN 0-300-10906-7)
(2002) Earthly Bodies: Irving Penn's Nudes, 1949-50. by Irving Penn, Maria Morris Hambourg, Metropolitan Museum of Art (ISBN 0-8212-2787-4)
(1997) Irving Penn : A Career in Photography. Colin Westerbeck (ISBN 0-8212-2459-X)